ސަދަން ޔުޓިލިޓީސްގެ މެނޭޖިންގ ޑިރެކްޓަރު ދުއްވަވާ ޖިޕްގައި ބަޔަކު ރޯކޮށްލައިފި

ޑީ އާރު ޕީ ގެ ކިބައިން މާފަށް ނޭދޭނެ ކަމުގައި އަލްޙާން ފަހްމީ ވިދާޅުވެއްޖެ

ފޮރިންގ މިނިސްޓަރ ޑރ. ޝަހީދުގެ އިތުބާރު އޮތްތޯ ބަލަން ރައްޔިތުންގެ މަޖިލިސްގައި ނެގި ވޯޓްގައި ޑީ އާރު ޕީން އަންގާފައިވާ ގޮތާ ޚިލާފަށް ވޯޓް ދިނުމާއި ގުޅިގެން ހަމަސް ދުވަހަށް ސަސްޕެންޑް ކޮށް، އަދި ސާދަ ދުވަހުގެ ތެރޭގައި ޕާޓީގެ މެމްބަރުންގެ ކިބައިން މާފަށް އެދުމަށް އަންގާފައިވާ ފޭދޫ ދާއިރާގެ މެމްބަރު އަލްޙާން ފަހްމީ ޑީ އާރު ޕީ ގެ ކިބައިން މާފަށް ނޭދޭނެ ކަމުގައި ވިދާޅު ވެއްޖެއެވެ.

އަލްޙާން މިހެން ވިދާޅުވީ މިކަމަށްޓަކާ ދަރުބާރުގޭގެ "ފަންސަވީސް" ގައި މިއަދު ބޭއްވި ނިވްސް ކޮންފަރެންސެއްގައި ވާހަކަ ދައްކަމުންނެވެ. އަލްޙާން ވިދާޅުވި ގޮތުގައި ޑީ އާރު ޕީ އިން އޭނާއާ ދޭތެރޭ ފިޔަވަޅު އަޅާފައިވަނީ ޕާޓީގެ އަސާސީ ޤަވާޢިދާއި ޤާނޫނު އަސާސީއާވެސް ޚިލާފަށެވެ. އެމް ޑީ ޕީ އަކުން ވެސް އަދި ޑީ އާރު ޕީ އަކުން ވިޔަސް ރައްޔިތުންގެ މަޖިލިސްގެ މެމްބަރުންނަށް ޤާނޫނު އަސާސީން ދީފައިވާ މިނިވަން ކަމާ ބާރުގެ ތެރެއަށް ނުވެދެވޭނެ ކަމުގައި އަލްޙާން ވިދާޅު ވިއެވެ. "އަޅުގަނޑަކަށް ހީއެއްނުވޭ މިނިވަން ޑިމޮކްރެޓިކް އެންވަޔަރންމެންޓެއްގައި މީހެއްގެ ވިސްނުން ހުރި ގޮތަކުން ޚިޔާލެއް ފާޅު ކުރީތީ، ވޯޓެއް ދިނީތީ ކުށަށް އަދަބު ދޭން ޖެހޭނެ ކަމަކަށް. ކުށަކަށް ވާނެކަމަކަށްވެސް ޤަބޫލެއް ނުކުރަން. އެހެންވީމާ އެއްވެސް ހާލެއްގައި މިކަމަކަށް މާފަށް ނޭދޭނަން."

ޑީ އާރު ޕީ އިން އަލްޙާން ހަމަހަށް ސަސްޕެންޑް ކޮށްފި

 ޑީ އާރު ޕީ އިން އިސް ނަގައިގެން ރައްޔިތުންގެ މަޖިލިސްގައި ބޭއްވި، ފޮރިން މިނިސްޓަރ ޑރ. ޝަހީދުގެ އިތުބާރު ނެތްކަމުގެ ވޯޓްގައި ފޭދޫ ދާއިރާގެ މެމްބަރު އަލްޙާން ފަހުމީ ޕާޓީގެ އެއްބަސްވުމާ ޚިލާފަށް ވޯޓް ދިނުމާ ގުޅިގެން، ޑީ އާރ ޕީ އިން އަލްޙާން ހަމަސް ދުވަހަށް ސަސްޕެންޑް ކޮށްފިއެވެ.

ޑީ އާރު ޕީ އިން ވާހަކަ ދެއްކި މުޙައްމަދު ސަލީމު ވިދާޅުވި ގޮތުގައި، މިކަން އަލްޙާން ފަހުމީއަށް އެންގުމަށް ފޮނުވި ސިޓީ މިހާރު ވަނީ ރައްދު ކުރެވިފައެވެ. އަދި އެސިޓީގައި، ސާދަ ދުވަހުގެ ތެރޭގައި މަޢާފަށް އެދުމަށާ އެމުއްދަތުގެ ތެރޭގައި މަޢާފަށް ނޭދިއްޖެ ނަމަ ޕާޓީ އިން ވަކި ކުރާނޭ ކަމުގައި ބުނެފައިވާނޭ ކަމުގައިވެސް ސަލީމް ވިދާޅުވިއެވެ.

އަލްޙާނަކީ ޑރ. ޝަހީދުގެ އިތުބާރު އޮތްތޯ ބަލަން މަޖިލީހުގައި ނެގި ވޯޓްގައި، ވޯޓް ދޭނެ ކަމަށް ސޮއި ކުރުމަށްފަހު ވޯޓް ނުދިން ފަރާތެކެވެ. މިވޯޓްގައި ޑީ އާރު ޕީ ބަލިވީ ދެވޯޓްގެ ތަފާތުންނެވެ.      

އެކްސިޑެންޓްގައި ޒަޚަމްވި ރުކްޝާން ނިޔާ ވެއްޖެ

މިދިޔަ އަންގާރަ ދުވަހު ލިންކްރޯޑްގައި ހަންކެޑަ އާއި ގައުކެނޑިއާއި ދޭތެރޭ އޮންނަ ފާލަން މަތީގައި ކާރާކާއި ސައިކަލެއް ޖެހިގެން ވީ އެކްސިޑެންޓްގައި ޒަޚަމްވި ފޭދޫ ނަލަރީތިވިލާ ރުކްޝާން ޢަލީ މިރޭ 9:15 ގައިި ނިޔާ ވެއްޖެއެވެ. ރުކްޝާނަށް ނިޔާވީ ހިތަދޫ ރީޖަނަލް ހޮސްޕިޓަލުން ފަރުވާ ދިނުމަށްފަހު އިތުރު ފަރުވާ ބޭނުންވާތީ މާލެ ގެންގޮސް އައި ޖީ އެމް އެޗް ގެ އައި ސީ ޔޫ ގައި ފަރުވާ ދެމުން ދަނިކޮންނެވެ. މިއެކްސިޑެންޓްގައި ރުކްޝާންގެ ގައިގެ ދިގަށް ހުރި ހުރިހާ ކަށިތަކެއް ބިނދުނު ކަމަށް ޚަބަރު ލިބެއެވެ.

އަންގާރަދުވަހުގެ އެކްސިޑެންޓް ހިނގީ ހިތަދޫން މަރަދޫ ކޮޅަށް ދުއްވާފައި ދިޔަ ކާރަކާއި ސައިކަލެއް ޖެހުމުގެ ސަބަބުންނެވެ. މިއެކްސިޑެންޓްގައި ސައިކަލް ދުއްވާފައި ދިޔަ ރުކްޝާން އާއި ފޭދޫ ނިވްޒީފެހި ހުސައިން ޝާމިލް ވިއްސައިގެން ގޮސް ޖެހުނީ މޫދުގައެވެ. ރުކްޝާން އަށް ވަރަށް ބޮޑަށް އަނިޔާވި ނަމަވެސް ހުސައިން ޝާމިލް ވަނީ މާބޮޑު އަނިޔާއެއް ނުލިބި ސަލާމަތް ވެފައެވެ. މިއެކްސިޑެންޓްގައި ކާރު ދުއްވަން އިން ހިތަދޫ ދިއްގާގަސްދޮށުގޭ މޫސާ ދީދީ ވަނީ ހަމަ އެދުވަހު ނިޔާ ވެފައެވެ.

ވައިން ހަކަތަ އުފެއްދުމުގެ މަޝްރޫޢެއްގެ އެމް ޔޫ އޯ ގައި ސަދަން ޔުޓިލިޓީޒްއާ އިންޑިއާގެ ސުޒްލޮން ސޮއި ކޮށްފި

ރޭ ސ. ހިތަދޫގެ މުޙިއްބުއްދީން ސްކޫލް ގައި، ސައުތް ޕްރޮވިންސްގެ ސަދަން ޔުޓިލިޓީޒް އާއި އިންޑިއާގެ ކުންފުންޏެއް ކަމުގައިވާ ސުޒްލޮން އާދެމެދު، ސައުތް ޕްރޮވިންސްގައި ވައިން ހަކަތަ އުފެއްދުމުގެ އެމް އޯ ޔޫ އެއްގައި ސޮއި ކޮށްފިއެވެ. ސަދަން ޔުޓިލިޓީޒްގެ ފަރާތުން ސޮއި ކުރެއްވީ އެކުންފުނީގެ ޗެއަރމަން އަހްމަދު ޒަރީރު އެވެ. ސުޒްލޮން ކުންފުނީގެ ފަރާތުން ސޮއި ކުރެއްވީ އެކުންފުނީގެ މެނޭޖިންގ ޑިރެކްޓަރ ވީ ބީ ރާއޯ އެވެ. ރޭގެ ޙަފްލާ ޝަރަފުވެރި ކޮށްދެއްވީ ދިވެހި ރާއްޖޭގެ ރައީސުލް ޖުމްހޫރިއްޔާ މުޙައްމަދު ނަޝީދު އެވެ.

ރައީސުލް ޖުމްހޫރިއްޔާ އައްޑުއަތޮޅަށް ވަޑައިގެންފި

ރައީސުލް ޖުމްހޫރިއްޔާ މުޙައްމަދު ނަޝީދު މިއަދުގެ ހަވީރުގެ ވަގުތެއްގައި އައްޑުއަތޮޅަށް ވަޑައިގެންފިއެވެ. އެމަނިކުފާނުގެ މިދަތުރުފުޅަކީ، ސުޒްލޮން އާ ސަދަން ޔުޓިލިޓީޒް ލިމިޓެޑް އާ ދެމެދު ބޭއްވޭ، އެމް އޯ ޔޫ އެއްގައި ސޮއި ކުރުމުގެ ޙަފްލާއެއްގައި ބައިވެރިވެ ވަޑައިގެންނެވުމަށް ކަމުގައި ރައީސުލް ޖުމްހޫރިއްޔާގެ އޮފީހުގެ ވެބްސައިޓްގައި ވެއެވެ. މިޙަފްލާގައި ސަދަން ޔުޓިލިޓީޒް އާ މޯލްޑިވްސް ގޭސް އާ ދެމެދުގައިވެސް އެމް އޯ ޔޫ އެއްގައި ސޮއި ކުރެވޭނެއެވެ.

މިރަސްމިއްޔާތު ބޭއްވުމަށް ހަމަޖެހިފައިވަނީ މިރޭ 8:30 ގައި މުހިއްބުއްދީން ސްކޫލް ގައެވެ.

ފޭދޫގެ ދެމީހަކު މަހަށް ގޮސް އުޅުނު ޑިންގީ ބަންޑުންވެ އޭގެ ތެރެއިން އެކަކު މަރުވެއްޖެ

އިއްޔެގެ ހެނދުނުގެ ވަގުތެއްގައި ފޭދޫގެ ދެމީހަކު ޑިންގީއެއްގައި މަހަށް ގޮސް އުޅެނިކޮށް، އެމީހުން މަހަށް ދިޔަ ޑިންގީ ބަންޑުންވެ އޭގެ ތެރެއިން އެކަކު ގެނބިގެން މަރުވެއްޖެއެވެ. މަރުވީ ސ. ފެދޫ ދުންނިކަގޭ ދޮންރަހާ، 62، އެވެ. ޚަބަރު ލިބިފައިވާ ގޮތުގައި މިހާދިސާ ދިމާވާން މެދުވެރިވީ، ވިއްސާރަވެ އޮއި ގަދަ ވުމުގެ ސަބަބުން އެމީހުން ތިބި ޑިންގީ އޮއިވަރުގައި ޖެހި ގަމާއި ފޭދޫ އާއި ދޭތެރޭ އޮންނަ ފާލަމުގެ ކަނޑާފައިވާ ދޭތެރެއަށް ދަމައިގަތުމުގެ ސަބަބުން ޑިންގީ ބަންޑުން ވެގެންނެވެ. ދޮންރަހާ އާއިއެކު މަހަށް ދިޔަ ސ. ފޭދޫ ކަރަންފޫގޭ މުޙައްމަދު ކަލޯ ފަތާފައި އެއްގަމަށް އެރި ކަމަށް ވެއެވެ. ނަމަވެސް ދޮންރަހާ ފެންނަން ނެތުމުން އެހެން މީހަކާ ދެމީހުން ގޮސް ބެލިއިރު ދޮން ރަހާ އޮތީ މޫދުގައި މަރުވެފައެވެ. ދޮންރަހާ ނަގައިގެން ޕިކަޕެއްގައި ސަދަން ރީޖަނަލް ހޮސްޕިޓަލަށް ގެންދިޔަ ކަމަށް ވެއެވެ. ނަމަވެސް ހޮސްޕިޓަލަށް ގެންދިޔައިރުވެސް ދޮންރަހާ ވަނީ މަރުވެފައި ކަމުގައި ހޮސްޕިޓަލުގެ ޑޮކްޓަރުން ވިދާޅުވިއެވެ.   

ވިޝަން އައްޑޫ: ތާއީދެވެ

ގަމުގައި ވަގުތީ ޖަލެއް ހެދުމާއި ދެކޮޅަށް އައްޑުއަތޮޅުގެ ރައްޔިތުން ސަރުކާރަށް ހުށަހަޅާ ޕެޓިޝަން

ކުށްވެރިން ހިތުހުރި ގޮތަކަށް ޖަލުތައް ހަލާކުކޮށް، ކުށްވެރިން ބޭނުން ކޮންމެ ހިނދެއްގައި ޖަލު ދޫކޮށް ވީއްލިގެން އުޅުމާއި، ޙުކުމް އިއްވާފައިވާ އެތައް ކުށްވެރިންނެއް، ޖަލުގައި އެކަށީގެންވާ ޖާގަ ނެތުމުގެ ސަބަބުން، މާލެ ތެރެއަށް ދޫވެފައި ތިބުމުގެ ސަބަބުން، ދިވެހިންގެ ތެރޭގައި ބިރުވެރިކަން އުފެދި، ދިވެހިރާއްޖޭގެ ރައްޔިތުންނަށް މަދަނީ ރައްކާތެރިކަން ހޯދާ ދިނުމަށް، އެންމެން ބައިވެރި ވެގެން އެއް ރޫޙެއްގައި މަސައްކަތް ކުރަން ބޭނުން ވެފައިވާ މިމުހިއްމު ދަނޑިވަޅުގައި، ކުށްވެރިން ބައިތިއްބާ ތަނެއް އެއަރޕޯރޓެއްގައި ހެދުމަކީ ވައިގެ ދަތުރު ފަތުރުގެ ރައްކާތެރިކަމާ ސަލާމަތަށް ނުރައްކާތެރި ކަމަކަށް ވެދާނެތީއާއި، އެއަރޕޯރޓެއްގައި ކުށްވެރިން ބައިތިއްބައިގެން ދިމާވާ އެންމެ ހާދިސާއަކުންވެސް މަތިންދާބޯޓް ހައިޖެކް ކުރުން ފަދަ، ނުވަތަ މަތިންދާބޯޓް ގޮއްވާލުން ފަދަ ބިރުވެރި ބޮޑެތި ޖަރީމާތަކަށް މަގު ހުޅުވިދާނެތީއާއި، ދިވެހިރާއްޖޭގެ ފަތުރުވެރިކަމަށް ދުނިޔޭގެ އިޤްތިޞާދީ ހީނަރުކަމުގެ ނޭދެވޭ ހިޔަނި އެޅިފައިވާ ދުވަސްވަރެއްގައި، ފަތުރުވެރިންނާއި ފަތުރުވެރިން ޢާއްމުކޮށް އުޅޭ ތަންތާގައި ބޮޑެތި ކުށްވެރިން ބޭތިއްބުމުން ފަތުރުވެރިންނަށް ހާނިއްކަ ވުމާއި ކުށްވެރިންނާއި ކުރިމަތިލުމަކަށް ދިއުމުގެ ފުރުޞަތު ހުޅުވި ދިވެހިރާއްޖޭގެ އިޤްތިޞާދް ފުނޑުފުނޑު ވެދާނެތީއާއި، ކުށްވެރިން ބައިތިއްބާ ވަގުތީ ތަނެއް ހެދުމަކީ އަނިޔާއާއި އިހާނެތި ކަމަށް މަގު ހުޅުވި، ލިބެން ޖެހޭ ކެއިންބުއިމާ ސިއްޙީ ޚިދްމަތާ މުނިފޫހި ފިލުވުމުގެ ޙައްޤާއި، އުނގެނުމާއި މަސައްކަތް ދަސްކޮށް ދިނުމާއި މަސައްކަތް އުނގެނުންފަދަ އަސާސީ ޙައްޤުތަކުން މަހްރޫމު ވާނެކަމަށް ފެންނާތީއާއި، މީގެ ކުރިން ދިވެހިރާއްޖޭގައި ހެދި ހުރިހާ ވަގުތީ ޖަލުތަކުން ލިބިފައިވާ ބިރުވެރި ފިލާވަޅުތަކުން ޢިބްރަތް ލިބިގަންނަން ޖެހޭތީ، ދިވެހިރާއްޖޭގެ ރައްކާތެރިކަމާއި ސަލާމަތްކަން ދަމަހައްޓާ، ދުނިޔޭގައި ދިވެހިރާއްޖެއަކީ އަމާން ތަނެއްގެ ތަޞައްވަރު ދެމެހެއްޓުމަށްޓަކައި، ގަމުގެ ބައިނަލްއަޤްވާމީ ވައިގެ ބަނދަރުގައި އެއްވެސް ކަހަލަ ޖަލެއް ހެދުމާއިމެދު ނުރުހުން ފާޅުކޮށް ދެކޮޅު ހަދަމެވެ.

ކުށްވެރިން ބައިތިއްބަން ވަގުތީ ޖަލު ހެދުމުގެ ބަދަލުގައި، ފެންވަރު ރަނގަޅު، އެކަށީގެންވާ، ދާއިމީ ތަންތަން ހެދުމަށް ސަރުކާރަށް ގޮވާލަމެވެ. ކުށްވެރިން ބައިތިއްބާ ކޮންމެ ތަނަކީ ޢާއްމު ރައްޔިތުންނާ، ދިވެހިރާއްޖެއަށް އަންނަ މެހްމާނުންނާ، ދިވެހިރާއްޖޭގެ އިޤްތިޞާދަށް ނުރައްކާ ނުވާނެ ތަންތަނަށް ހެދުމަށް ގޮވާލަމެވެ. ސަރުކާރުން ކުރާ ކޮންމެ ކަމެއްވެސް އިންސާނީ، ފަރުދީ ހައްޤު ތަކާ ޢާއިލީ ހައްޤުތައް ރައްކާތެރި ކޮށްދެވޭނެ ގޮތަށް، ދުރާލާ ރާވައިގެން، ވިސްނައިގެން ކަންތައްތައް ކުރުމަށް ގޮވާލަމެވެ. ރާއްޖޭގައި އެންމެ ޖަލެއް ބެހެއްޓުމުގެ ބަދަލުގައި، ތަފާތު ކުށްތައް ކުރާ ކުށްވެރިން ވަކި ކުރެވޭނެ ގޮތަށް، ހަތް ޕްރޮވިންސްގައި ދާއިމީ ޖަލުތައް ހެދުމަށް ގޮވާލަމެވެ.

ގަމަށް ގައިދީން ބަދަލު ނުކުރުމަށް އައްޑޫ ބަޔަކު ގޮވާލައިފި

މާފުށީ ޖަލުގައި ތިބި ދެކުނު ޕްރޮވިންސްގެ ޤައިދީން ގަމަށް ބަދަލު ކުރަނީ

މިމަހުގެ 11 ވަނަ ދުވަހު، މާލެ އަތޮޅު މާފުށީ ޖަލުގައި ތިބި ޤައިދީން އެތަނަށް ގެއްލުންދީ ވަރަށް ބޮޑަށް ހަލާކު ކޮއްލުމުގެ ސަބަބުން، ޖަލު އަލުން މަރާމާތު ކުރެވެންދެން، އެޖަލުގައި ތިބި ދުކުނު ޕްރޮވިންސަށް ނިސަބަތްވާ ޤައިދީން، ވަގުތީ ގޮތުން އައްޑުއަތޮޅު ގަމަށް ބަދަލު ކުރާގޮތަށް ސަރުކާރުން ހަމަޖައްސަވައިފިއެވެ. ޤައިދީންތައް ބޭތިއްބުމަށް ހަމަޖެހިފައިވަނީ ގަމުގައި ހުންނަ އެމް އެން ޑީ އެފް ސަދަން ކޮމާންޑްގެ ސިފައިން ތިބޭ ސަރަޙައްދުގެ އެކި ތަންތާނގައެވެ.

މާފުށީ ޖަލު މިހާރު ވަނީ ވަރަށް ބޮޑަށް މަރާމާތު ކޮށްގެން ނޫނީ ބޭނުން ނުކުރެވޭ ވަރަށް ހަލާކު ވެފައެވެ.

ދޫގަސް އެމް ވީ ކޭ އަށް ދިނީ ކެމްޕޭން ކޮށްދިނުމުގެ އިނާމެއްގެ ގޮތުގައި ކަމަށް ޤައުމީ ޕާޓީން ބުނެފި

އެމް ޑީ ޕީ ގެ ފަސް ވަޢުދުގެ ތެރެއިން އެއް ވަޢުދު ކަމުގައިވާ، ދިވެހިރާއްޖޭގެ ރަށްރަށް ދަތުރުފަތުރުގެ ނިޒާމަކުން ގުޅާލުމުގެ ދަށުން، އައްޑު އަތޮޅާއި ފުވައްމުލަކުގެ ދަތުރު ފަތުރުގެ ޚިދްމަތް ދިނުން 50 އަހަރަށް އެމް ވީ ކޭ މޯލްޑިވްސް އާއި ހަވާލު ކުރިއިރު، އެ ކުންފުންޏަށް ބިޑަކާ ނުލާ ގަމުގައި ހުންނަ ދޫގަސް ދޭން ނިންމާފައިވަނީ ރިޔާސީ ކެމްޕޭންގެ ދުވަސްވަރު އެކުންފުނިން އެމް ޑީ ޕީ އަށް ކެމްޕޭން ކޮށްދީފައިވާތީ އެކަމުގެ ޢިނާމެއްގެ ގޮތުން ކަމުގައި ދިވެހި ޤައުމީ ޕާޓީގެ ވަގުތީ ރައީސް ޢަބްދުﷲ އަމީން ތުހުމަތު ކުރައްވައިފިއެވެ.

އަމީން ވިދާޅުވި ގޮތުގައި އެވަރުގެ ތަނެއް އެހާ ދިގު މުއްދަތަކަށް ދޭއިރު ބިޑަށް ހުޅުވާލައިގެން އެންމެ ރަގަޅު ބަޔަކަށް ދިންނަމަ ވީހާވެސް ދަތުރުފަތުރުގެ އަގު ހެޔޮވުމުގެ ފުރުސަތު ބޮޑުވާނެއެވެ. މިކަންތައް ދިޔަގޮތް ސާފު ކުރުމަށްޓަކައި ރައީސުލް ޖުމްހޫރިއްޔާގެ އޮފީހަށް، ޤައުމީ ޕާޓީގެ ފަރާތުން ސިޓީއެއް ފޮނުވާފައިވާ ކަމުގައިވެސް އަމީން ވިދާޅުވިއެވެ.

ގާތްގަނޑަކަށް ދުނިޔޭގެ ކޮންމެ 4 މީހުންކުރެ އެކަކީ މުސްލިމެއް – ރިޕޯރޓް

ޕޫ ފޯރަމް އޮން ރިލިޖަން އެންޑް ޕަބްލިކް ލައިފް ކިޔާ ޖަމާޢަތަކުން، 200 އަށްވުރެ ގިނަ ޤައުމުގައި ކުރި ސާރވޭއަކުން ދައްކާ ގޮތުގައި، މުޅި ދުނިޔޭގެ އާބާދީ ކަމުގައި ބެލެވޭ 6.8 ބިލިއަން މީހުންގެ ތެރެއިން 1.57 ބިލިއަނަކީ މުސްލިމުންނެވެ. މިއީ މުޅި ދުނިޔޭގެ އާބާދީގެ 23% އެވެ.

ދުނިޔޭގެ މީހުން އުޅޭ 5 ބައްރުގައިވެސް މުސްލިމުން އުޅެއެވެ. މީގެ ތެރެއިން 60% މީހުން އުޅެނީ އޭޝިއާގައެވެ. އެންމެ ގިނަ މުސްލިމުން އުޅޭކަމަށް ހީކުރެވިފައި އޮންނަ ސަރަޙައްދު ކަމުގައިވާ މެދުއިރުމައްޗާ އުތުރު އެފްރިކާގައި އުޅެނީ މުސްލިމުންގެ 20% އެވެ. އަދި މުސްލިމުންގެ އަޣްލަބިއްޔަތު އޮންނަ އެންމެ ގިނަ ޤައުމުތައްވެސް ވަނީ މިސަރަޙައްދުގައެވެ. މިސަރަޙައްދުގެ ވިއްސަށްވުރެ ގިނަ ޤައުމުގެ އާބާދީގެ 95% އަކީ މުސްލިމުންނެވެ. 300 މިލިއަނަށްވުރެ ގިނަ މުސްލިމުން، ނުވަތަ މުސްލިމުންގެ އާބާދީގެ ފަސްބައިކުޅަ އެއްބައި އުޅެމުންދަނީ މުސްލިމުންގެ އަޣްލަބިއްޔަތު ނެތް ޤައުމުތަކުގައެވެ. މީގެތެރެއިން ބައެއް ޤައުމުތަކުގައި މުސްލިމުން ވަރަށް ބޮޑު އާބާދީ އޮވެއެވެ. މިސާލަކަށް، އިންޑޮނޭޝިއާ އާއި ޕާކިސްތާނަށްފަހު، ތިންވަނައަށް އެންމެ ގިނަ މުސްލިމުން އުޅޭ ޤައުމަކީ އިންޑިއާ އެވެ. އިންޑިއާގައި މުސްލިމުން އުޅޭ ޢަދަދު މިޞްރަށްވުރެ ދެގުނަ ގިނައެވެ. ނަމަވެސް މިއީ އެޤައުމުގެ އާބާދީގެ އެންމެ 10.3% އެވެ. ޗައިނާގައި މުސްލިމުން އުޅޭ ޢަދަދު ސީރިއާ އަށްވުރެ ގިނައެވެ. އަދި ޖޯރޑަން އާއި ލީބިޔާ އާއި ދެޤައުމުގައި އެއްކޮށް މުސްލިމުން އުޅޭވަރަށްވުރެ ރަޝިޔާގައި މުސްލިމުން ގިނައެވެ. ލެބަނަން އަށްވުރެ ޖަރުމަނުގައި މުސްލިމުން ގިނައެވެ.

ދޫގަސް ދޭގޮތަށް އައްޑުއާއި ފުވައްމުލަކުގެ ދަތުރުފަތުރުގެ ނިޒާމް 50 އަހަރަށް އެމް ވީ ކޭ އާއި ހަވާލު ކޮށްފި

ސ. ފޭދޫ ސްކޫލުގެ އަހަރީ އިނާމް ދިނުން – އެންމެ މޮޅު ދަރިވަރަކަށް އަފްރާޙް ޢަބްދުއްސައްތާރު

ފޭދޫ ބަނދަރުގެ މސައްކަތް ނޮވެމްބަރުގައި ފެށޭތޯ ބަލަނީ

India plans naval base on Maldives to contain Chinese influence

India is planning to establish a naval base and listening post in the Maldives, the tropical holiday islands in the Indian Ocean, in an attempt to contain growing Chinese influence in the region.